Bollivud olami yangiliklarida Dipika Padukone va Ranvir Singh haqida uzoq kutilgan shov-shuvli xabar tarqaldi. Iqtidorli aktyorlar oilasi shu yil farzandli bo‘ladi.
Dipika Padukone homilador bo‘lishi mumkinligi haqidagi mish-mishlar ‘‘BAFTA — 77’’ mukofotini topshirish marosimida aktrisaning chiqishidan so‘ng tarqalgan edi.
Ranvir va Dipika ilk bor 2012-yilda suratga olish maydonida tanishib qolgan va olti yildan so‘ng turmush qurgan. Er va xotin yaqinda farzadli bo‘lishi haqidagi xabarni o‘zlarining Instagram sahifalarida ham tasdiqladi. Hozirda Dipika homiladorlikning ikkinchi trimestrida.
Dipika va Ranvir rejissyor Sanjay Lila Bhansalining “Ram va Lila” filmini suratga olish jarayonidan boshlab iliq munosabatlar o‘rnatgan bo‘lsa-da, ular uzoq vaqt davomida buni ommadan yashirishga harakat qildi. Shuningdek, aktyorlar birgalikda “Badjiaro va Mastani” hamda “Padmaavati’’ kabi mashhur filmlarda suratga tushgan.
Dipika hayotidagi asosiy istagi ko‘p farzandli bo‘lish ekanligini yashirmaydi, chunki u oilani bolalarsiz tasavvur eta olmaydi. Ranvir esa jurnalistlarga bergan intervyulardan birida qiz farzandi ko‘proq bo‘lishini istashini aytgan edi, chunki uning fikricha, qizlar juda mehribon, aqlli va yoqimtoy bo‘ladi
Izoh (0)