Тожикистон президенти Эмомали Раҳмон ҳукумат тузилмаларида, жумладан, Миллий гвардия, прокуратура ва суд тизимига ўзгаришлар киритди. Бу ҳақда унинг матбуот хизмати хабар берди.
Президент фармони билан Миллий гвардиянинг бир қанча юқори мансабдор шахслари эгаллаб турган лавозимидан озод этилди. Жумладан:
- Миллий гвардия қўмондони биринчи ўринбосари Ализод;
- Моддий-техник таъминот бўйича ўринбосар Каримзод;
- Жанговар ва махсус операциялар бўйича ўринбосари Одиназод;
- Миллий гвардия қурол-яроғ ва ҳарбий техника бошқармаси бошлиғи Бобозод;
- Комендантлик бўлими бошлиғи Аҳмадзод;
- Кадрлар ва ҳарбий таълим бошқармаси бошлиғи Зарифбеков;
- Оператив бошқарув бошлиғи Қурбонзод;
- Жанговар тайёргарлик бошқармаси бошлиғи Ҳакимзод лавозимидан олинган.
Уларнинг айримлари янги лавозимга тайинланган. Шу билан бирга, қатор прокурорлар вазифасидан озод қилинган ва тайинланган. Зоирзода Икром, Рофизода Мирзоамон ва Талбакзода Дилшод бошқа ишга ўтгани муносабати билан Бош прокурор ўринбосарлари лавозимидан озод этилган. Каримзода Умед, Вoxидзода Хабибулло, Азимзода Сарвар бош прокурор ўринбосари этиб тайинланган.
Изоҳ (0)