Тожикистон Энергетика вазирлиги Роғун гидроэлектр станция қурилиши учун ҳар йили 1 миллиард доллардан ажратилаётганини маълум қилди. Бу ҳақда Asia-Plus хабар берди.
Вазирлик раҳбари Далер Жуманинг сўзларига кўра, ГЭС қурилишини якунлаш учун 6,2 миллиард доллар керак бўлади. Тегишли сумма лойиҳани баҳолаш учун жалб қилинган халқаро маслаҳатчилар томонидан белгилаб берилган. Бу Роғун ГЭС қурилиши тўлиқ якунланишига учун керак бўлган сумма ҳисобланади.
Вазир 10 дан ортиқ ривожланиш бўйича ҳамкорлар билан лойиҳаларни молиялаштириш бўйича музокаралар олиб борилаётганини айтди.
“Уларнинг баъзилари билан музокаралар натижалари шу ойда, бошқалари билан эса жорий йилнинг июнь ойида эълон қилинади. Роғун агрегатларини олдиндан белгиланган муддатда ишга туширишга ҳаракат қилмоқдамиз”, — дейди Далер Жума.
Роғун ГЭС қурилиши шу пайтгача фақат давлат маблағлари ҳисобидан амалга оширилган. Янги йилда якунлаш учун бошқа халқаро молия институтларидан маблағ жалб этилиши кутилмоқда.
Лойиҳанинг потенциал инвесторлари қаторига Жаҳон банки, Европа инвестиция банки, Осиё тараққиёт банки, Евросиё тараққиёт банки ва бошқалар киради.
Молия вазирлиги маълумотларига кўра, Осиё инфратузилма инвестициялари банкидан (ХХР) 500 миллион доллар миқдорида имтиёзли кредит жалб этиш бўйича келишувлар мавжуд, Саудия тараққиёт жамғармаси билан ҳам шартнома имзоланган. 100 миллион доллар.
Изоҳ (0)