Россия Тожикистонга вирусга қарши махсус мобил лабораториялар етказиб берди. Бу ҳақда Sputnik Тожикистон хабар берди.
Маълум қилинишича, гап хавфли инфекцияларни аниқлаш учун дала тадқиқотларини ўтказишга мўлжалланган иккита мобил тиббий комплекс ҳақида кетмоқда. Улардан бири “Садко” юк машинасига ўрнатилган, иккинчисини эса оддий рейсда ташиш мумкин.
Лабораториялар хавфсизлик шлюзлари, изоляцияланган қутилар ва бошқа замонавий жиҳозлар билан таъминланган.
“Биз Тожикистон билан бир маконда яшаяпмиз ва аҳоли учун қулай шарт-шароитларни таъминлаш ҳақиқатан ҳам муҳим”, — деди Россия элчихонаси маслаҳатчиси Вера Хуторская.
Мутахассислар яқин кунларда лабораторияларда, жумладан Ҳисорда вабонинг табиий ўчоғида иш бошлайди.
“Биз инфекциялар тарқалишининг эҳтимолий хавфлари устидан назоратни тиклаш учун биргаликда ҳаракат қилишимиз керак”, — Тожикистон Соғлиқни сақлаш вазири ўринбосари Абдухолиқ Амирзода.
Изоҳ (0)