18 февраль, якшанба куни Х ижтимоий тармоғида БАА бош вазири Муҳаммад бин Рашид ал-Мактум мамлакатнинг нефтга қарамлигини камайтириш ташаббусини акс эттирган хабар жойлаган. Унга кўра, БААнинг 2023 йилдаги нефтга алоқадор бўлмаган савдоси 3,5 триллион дирҳамга (953 млрд АҚШ доллари) етган. Бу ҳақда Reuters хабар берди.
Мамлакатнинг нефтга алоқадор бўлмаган товарлар савдоси 2022 йил билан таққослаганда 12 фоизга ошган, товарлар ва хизматлар экспорти янги рекордни ўрнатган ҳолда 1 триллион дирҳамдан ошди, дея таъкидлайди ташқи савдо вазири ал-Зеюдий ижтимоий тармоқлардаги алоҳида постида. Зеюдийга кўра, ҳусийларнинг ҳужуми БААнинг Қизил денгиздаги кемалари йўналиши бузилишига ҳозирча ҳеч қандай таъсир қилмаган.
Бу бизнинг мамлакатимизни безовта қилмайди,деб ўйлаймиз... биз яхши ҳолатдамиз ва гап бу ерда бизнинг қанчалик чидамлилигимиз ҳамда мавжуд тизимнинг дунё ва минтақа олдида турган таҳдидларга қай даражада мослашиши ҳақида кетмоқда, — деди Зеюдий ўз интервьюсида.
Вазир CEPA (ҳар томонлама иқтисодий шериклик битимлари) БААнинг ташқи савдо кўрсаткичлари ўсишида муҳим эканлигини таъкидлаган. БААнинг CEPA бўйича биринчи ҳамкори Ҳиндистон билан савдо ўтган йили тахминан 4 фоизга, Туркия билан эса икки бараварга ошганини қўшимча қилган.
БААда хизмат кўрсатиш соҳаларининг кенгайиши саёҳат ва туризм, ахборот ва коммуникация технологиялари, молиявий хизматлар ҳамда профессионал хизматларни ўз ичига олса, нефтга алоқадор бўлмаган экспортни олтин, алюминий, заргарлик буюмлари, мис сими ҳамда этилен полимерлари ташкил этади.
Изоҳ (0)