Россиядаги ахлоқ тузатиш колониясида вафот этгани хабар қилинган Алексей Навальнийнинг турмуш ўртоғи Юлия Навальная видеомурожаат билан чиқиб, бундан буён эрининг ишини давом эттиришини маълум қилди.
У мурожаатида “Путин Алексейни нима учун ўлдирганини” аниқ билишини айтди.
“Биз нима учун Путин Алексейни уч кун олдин ўлдирганини биламиз. Бу ҳақда сизга, албатта, айтиб берамиз. Шунингдек, бу жиноятни ким ва қандай содир этганини ҳам аниқ билиб оламиз. Биз исмларни айтиб, юзларни кўрсатамиз.
Путин Алексейни ўлдириш орқали менинг ярмимни, юрагим ва қалбимнинг ярмини ўлдирди. Аммо менда ҳали ҳам иккинчи ярми бор ва бу менга таслим бўлишга ҳаққим йўқлигини билдириб туради. Мен Алексей Навальнийнинг ишини давом эттираман. Ватанимиз учун курашишда давом этинг”, — деди у.
“Мен сизга Алексейнинг сўзлари билан мурожаат қиламан, мен бунга ишонаман. Оз қилиш уят эмас, ҳеч нарса қилмаслик уят. Ўзингизни қўрқувга солишга имкон бериш уят. Россия бу — эркин, тинч, бахтли давлат бўлиши, келажаги гўзал Россия бўлиши керак. Эрим буни жуда орзу қилган.
Мен шундай Россияда яшашни хоҳлайман. Алексей билан менинг болаларим унда яшашларини хоҳлайман. Мен уни сиз билан қурмоқчиман. Айнан Алексей Навальний уни тасаввур қилганидек. Агар бунга курашмасак, эримнинг қурбонлиги беҳуда кетиши мумкин. Жанг қилинг ва таслим бўлманг. Мен қўрқмайман ва сиз ҳеч нарсадан қўрқмаслигингиз керак.”
Изоҳ (0)