Наманганда электрдан ноқонуний фойдаланган фермер хўжалиги раҳбари давлатга 200 млн сўм зарар етказди 

Наманган вилояти Уйчи туманида электрдан ноқонуний фойдаланган фермер хўжалиги раҳбари давлатга 200 миллион сўм зарар етказгани ҳақида хабар берилди.

Ҳолат Бош прокуратура ҳузуридаги департаментнинг Уйчи туман бўлим томонидан “Ўзэнергоинспекция” вилоят бошқармаси ходималари билан ҳамкорликда ўтказилган терговга қадар текширувда аниқланган. “Ж.Б.” фермер хўжалиги раҳбари Ғ.С. “Жийдакапа” МФЙ ҳудудида жойлашган ишлаб чиқариш цехини ҳеч қандай ҳужжатсиз тижорат мақсадида умумий фойдаланишдаги электр тармоғига ўғрилик йўли билан улаб, жами 200,3 миллион сўмлик электр энергиясидан ноқонуний фойдаланган.

Мазкур ҳолат юзасидан Жиноят кодексининг 169-моддаси (ўғрилик) билан жиноят иши қўзғатилиб, тергов ҳаракатлари ўтказилмоқда.