Тошкент шаҳри, Учтепа туманида электр энергиясига ноқонуний тарзда уланиб, 1,5 млрд сўмлик зарар етказган майнинг ферма аниқланди. Бу ҳақда Бош прокуратура матбуот хизмати хабар берди.
Таъкидланишича, ёқилғи-энергия ресурсларидан ноқонуний фойдаланиш билан боғлиқ ҳолатларни фош этишга қаратилган назорат тадбирлари давом этмоқда.
Тошкент шаҳри, Учтепа туманида яшовчи фуқаро Ж.М. тижорат мақсадида майнинг ферма ташкил қилиб, ноқонуний даромад орттиришни кўзлаб, электр тармоғига тўғридан тўғри ўзбошимчалик билан уланиб, ноқонуний равишда жами 1,5 млрд сўмлик электр энергиясини ўғирлагани аниқланган.
Изоҳ (0)