Хоразм вилояти Хонқа тумани ҳамда Бухоро вилояти Когон туманида электр энергияси ва табиий газдан ноқонуний фойдаланиш ҳолатлари аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти ахборот хизмати хабар берди.
Маълум қилинишича, департаментнинг Хонқа туман бўлими томонидан ЭТК ходимлари билан ҳамкорликда ўтказилган терговга қадар текширувда тадбиркор М.Ж. ва “Ў.” АК Хоразм филиали масъул шахслари туман телекоммуникациялар боғламаси биносини ҳеч қандай ҳужжатсиз умумий фойдаланишдаги электр тармоғига улаб, жами 149,9 млн сўмлик электр энергиясидан ноқонуний фойдаланганликлари аниқланган.
Шу каби департаментнинг Когон шаҳар бўлими томонидан ўтказилган терговга қадар текширувда “Ф.С.” МЧЖ раҳбари Ў.Э. Бухоро шаҳар “Алпомиш” кўчасида жойлашган қуруқ қурилиш қоришмаси ишлаб чиқариш цехини ҳеч қандай ҳужжатсиз тижорат мақсадида умумий фойдаланишдаги газ тармоғига улаб, жами 109,4 млн сўмлик табиий газдан ноқонуний фойдаланганлиги аниқланган.
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)