“Ал-Иттиҳод” ҳужумчиси Карим Бензема фаолиятини Англия чемпионатида давом эттириши мумкин.
Футболчи Саудия клуби бош мураббийининг қарорига кўра ўқув-йиғин машғулотларидан четлатилганди.
ESPN нашрининг хабар беришича, француз клубдан кетиш имкониятларини кўриб чиқмоқда ва ҳозирда таклифларни қабул қилишга тайёр. 36 ёшли футболчи Саудия Арабистонидаги фаолиятидан норози.
Хабарларга қараганда, 2022 йилги “Олтин тўп” соҳибига АПЛнинг бир нечта клуби қизиқиш билдирмоқда. Улар ичида “Челси” ҳам бор.
Бенземанинг “Реал”га қайтиши эса имконсиз. “Ал-Иттиҳод”нинг ўзи эса Каримни на сотиб юбормоқчи, на ижарага бермоқчи.
Эслатиб ўтамиз, “Ал-Иттиҳод” февраль ойида Осиё Чемпионати доирасида “Навбаҳор”га қарши баҳс олиб боради. Ноябрь ойида Карим Бензема ва унинг жамоаси “ОКМК”га қарши баҳс олиб бориш учун Ўзбекистонга ташриф буюрганди.
Изоҳ (0)