“Al-Ittihod” hujumchisi Karim Benzema faoliyatini Angliya chempionatida davom ettirishi mumkin.
Futbolchi Saudiya klubi bosh murabbiyining qaroriga ko‘ra o‘quv-yig‘in mashg‘ulotlaridan chetlatilgandi.
ESPN nashrining xabar berishicha, fransuz klubdan ketish imkoniyatlarini ko‘rib chiqmoqda va hozirda takliflarni qabul qilishga tayyor. 36 yoshli futbolchi Saudiya Arabistonidagi faoliyatidan norozi.
Xabarlarga qaraganda, 2022-yilgi “Oltin to‘p” sohibiga APLning bir nechta klubi qiziqish bildirmoqda. Ular ichida “Chelsi” ham bor.
Benzemaning “Real”ga qaytishi esa imkonsiz. “Al-Ittihod”ning o‘zi esa Karimni na sotib yubormoqchi, na ijaraga bermoqchi.
Eslatib o‘tamiz, “Al-Ittihod” fevral oyida Osiyo Chempionati doirasida “Navbahor”ga qarshi bahs olib boradi. Noyabr oyida Karim Benzema va uning jamoasi “OKMK”ga qarshi bahs olib borish uchun O‘zbekistonga tashrif buyurgandi.
Izoh (0)