Франциялик футболчи Карим Бензема “Ал-Иттиҳод” машғулотларидан четлатилди.
Саудия клуби бош мураббийи Марсело Галярдо бу ҳақида қарор қабул қилди.
Кичик таътилдан сўнг футболчилар жума куни Жиддада жойлашган клуб базасида йиғилиши керак эди. Бироқ, Бензема базага бормади ва шу тариқа бугун старт оладиган Дубайдаги йиғинда иштирок этмайдиган бўлди.
Карим декабрь ойи охиридаги машғулотларнинг ҳам 3 кунини ўтказиб юборган эди.
Бенземанинг атрофидагилар Marca нашрига маълум қилишича, Бензема циклон туфайли Маврикийда қолиб кетган ва шунинг учун Саудия Арабистонига етиб бора олмаган.
“Ал-Иттиҳод” мамлакатнинг амалдаги чемпиони бўлиб, жорий мавсум 19 турдан сўнг 7-ўринда бормоқда. Ҳозирда чемпионат Осиё Кубоги турнири туфайли танаффусда.
Изоҳ (0)