Канадалик актёр Kиaну Ривз инглиз ёзувчиси Чайна Мьевилл билан ҳамкорликда ўзининг илк романини нашр этади.
Уларнинг ҳаммуаллифликдаги романи “Ўзга дунёдан келган китоб” деб номланади ва биринчи марта 2021 йилда чиқарилган BRZRKR комикслар серияси дунёсида ўрнатилади. Унда ўлмас жангчининг абадий эканлигини англаш учун минг йиллик саёҳатга отлангани ҳақида ҳикоя қилинади.
“Чайна, айнан, мен истаган нарсани қилди – у тарихнинг аниқ архитектураси билан келди. У мен жуда яхши кўрадиган BRZRKR дунёси билан қандай ўйнашни билади”, – деди Киану.
Роман Penguin нашриёти томонидан нашр этилиши кутиляпти.
Маълумот учун, BRZRKR Киану Ривзнинг ғоялари асосида яратилган комикслар сериясидир. 12 сондан иборат биринчи жилди Boom! нашри томонидан 2021 йил 3 мартда сотувга чиқарилган эди.
Сюжет 80 минг йилдан бери яшаб келаётган ва маълум бир ҳукумат ташкилотида ишлаётган, давлат учун турли махфий вазифаларни бажарувчи Берсеркер исмли ўлмас жангчи ҳақида боради. Давлат унга боқийликдан қутулишга ёрдам беришни ваъда қилади.
Изоҳ (0)