Элтон Жон 10 миллион долларлик шахсий буюмларни аукционга қўйди

Британиялик рок мусиқачиси Элтон Жон Christies аукционида қиймати 10 миллион доллардан ортиқ бўлган 900 га яқин лотни кимошди савдосига қўйди.

Лотда 1970 йилларда платформадаги бир жуфт кумуш этик (тахминан 5 минг доллардан 10 минг долларгача) 1990 йилда ишлаб чиқарилган икки эшикли Bentley кабриолети (25 минг доллардан 35 минг долларгача) ҳам бор.

Шунингдек, улар орасида 18 қиротли олтин, бриллиант, оловранг сапфир, қоплон нусха сиферблат ва браслетдан иборат Rolex Dayton русумидаги соат ҳам бўлади. Уларнинг умумий қиймати 40 минг доллардан 60 минг долларгача баҳоланмоқда.

Жоннинг меҳмонхонасида турган Yamaha пианиноси 30-50 минг долларга баҳоланган. Шунингдек, хонанданинг ёрқин услубини ифодаловчи турли буюмлар, жумладан, тахминан 1975 йилда ишлаб чиқарилган қуёшдан сақлайдиган кўзойнак 2-3 минг долларга баҳоланган.

Қайд этилишича, кимошди савдосининг асосий қисмини Элтон Жоннинг ижтимоий масалаларга бағишланган йирик коллекциясидан 360 та турли мавзудаги фотосуратлар ташкил этади.

Аукционнинг барча саккиз босқичи 21-23 февраль кунлари бўлиб ўтиши режалаштирилган.