“Жон Уик” ва “Матрица” фильмлари юлдузи Киану Ривз Dogstar мусиқий гуруҳига басс-гитарачи сифатида қайта қўшилди. Гуруҳ охирги марта 2002 йилда чиқиш қилган. Шундан кейин ижодий танаффус эълон қилган гуруҳ аъзолари ўтган дам олиш куни Калифорниядаги Bottlerrock фестивалида иштирок этди.
.jpg)
“Биз яна рэпертуаримиздаги қўшиқларни ижро этдик, кейин ўзимизни ушлаб туролмадик, куй басталашни бошладик. Бирга куй чалишимизни, қўшиқ ёзишимизни, чиқиш қилишимизни соғиндим. Бу ҳар доим менга етишмаган нарса. Куй чалишни бошлашимиз биланоқ, бу инсонларга яхши, позитив кайфият берди ва кейин биз бу ишни яна қилишимиз кераклигини ўйладик”, — дейди Ривз Billboard'га берган интервьюсида.
Dogstar гуруҳи 1990 йилнинг ўрталарида ташкил этилган ва иккита тўлиқ метражли: 1996 йилда Our Little Visionary ва 2000 йилда чиқарилган Happy Ending альбомларини мухлисларга тақдим этган. Янги материал учинчи альбомни ёзиб олиш учун етарли, унинг чиқарилиш санаси ҳали аниқ эмас. Шунингдек, Ривз Lionsgate'нинг “Жон Уик 5” фильмига қайтиши ҳақида ҳам маълумот берилган.
Изоҳ (0)