Киану Ривз “Жон Уик 4”да бош қаҳрамоннинг ўлимини ўзи илтимос қилгани маълум бўлди

“Жон Уик” фильмининг 4-қисми ушбу лойиҳанинг якуни бўлиши мумкин. Чунки актёр суратга олиш ишлари ва машғулотлардан чарчаганини маълум қилган. Бу ҳақда Lifehacker нашри франшизанинг продюсери Басил Иваникга таяниб ёзмоқда.

Иваникнинг айтишича, Ривз фильмнинг тўртинчи қисми якунида ўз персонажининг ўлдирилишини сўраган, шу орқали у бу лойиҳадаги ролдан танаффус олиши мумкин эди. Бироқ бу кино саноати, Жон Уик образи афсонага айланди, шунинг учун улар қаҳрамоннинг ўлими 90 фоиз аниқ қилиб кўрсатилишига рози бўлди.

“Ушбу фильмлар устида ишлаш жуда машаққатли бўлди, у Киануни ҳам руҳий, ҳам жисмонан чарчатди. Охири у бу ролни ижро эта олмаслигини айтди ва биз бунга рози бўлдик. Бу йигит ўзининг қобиғига ўралди, чунки у ҳар сафар лойиҳа учун қўлидан келган ҳамма нарсани қилди.

У: “Бу фильмнинг охирида мени бутунлай ўлдиришларини истайман”, — деди. Биз эса ҳар эҳтимолга қарши кичик бўшлиқ қолдирамиз, деб жавоб бердик”, — дейди “Жон Уик” фильми продюсери Базил Иваник.

Иваник имкон қадар Ривз ва Стахелски дуэтининг экранларга қайтишини яна кутиши ҳақида ҳам гапириб берган. Улар фильмнинг бешинчи қисми устида ишлашни истамаган тақдирда ҳам, жамоа шу пайтга қадар эришган ютуқларидан хурсанд бўлади.