Якунланган 2023 йилда ўзбек шоу-бизнес вакилларининг кўпчилиги бобо ва бувилик мақомига эришди. Ижтимоий тармоқлар орқали эса “улғайганларини” маълум қилишди.
Дилшод Мусабеков
“Дизайн” жамоаси аъзоси Дилшод Мусабеков 8 январь куни қиз набирали бўлганини маълум қилганди. Ўтган йили турмушга чиққан қизи унга қиз набира туҳфа қилди.
Муножот Йўлчиева
Ўзбекистон халқ артисти Муножот Йўлчиеванинг набиралари сони ўтган йили яна биттага кўпайди. У январь ойида ўғил набирали бўлганини маълум қилиб, ҳамкасблари ва яқинлари учун янги уйида зиёфат қилди.
Тоживой Шукуров
4 март куни хонанда Тоживой Шукуров қиз набирали бўлганини маълум қилганди. 2022 йили оила қурган Иззат Шукуров қиз фарзандли бўлди ва унга Мория деб исм қўйди.
Зулайҳо Бойхонова
Ўзбекистон халқ артисти Зулайҳо Бойхонова 20 март куни ўғил набирали бўлганини маълум қилди. Ўтган йили ўғлини уйлантирганди, орадан бир йил ўтиб хонадонига янги меҳмон келганини эълон қилди.
Собиржон Мўминов
2022 йилда бирдан уч ўғлини уйлантириб, халққа дастурхон ёзган Собиржон Мўминов 20 июль куни ўғил набирали бўлганини маълум қилди.
Муҳаммадисо Абдулхаиров
Комик актёр Муҳаммадисо Абдулхаиров ҳам март ойида қиз набиралик бўлди. У набирасига Осиё деб исм қўйганини Instagram орқали маълум қилди. Унинг Робияхон исмли яна бир набираси бор.
Раъно Зокирова
Ўзбекистонда хизмат кўрсатган артист Раъно Зокирова 18 октябрь куни илк марта набирали бўлганини маълум қилди. У ўтган йили режиссёр ўғли Умид Зокировни Дилбар исмли ёш актрисага уйлантирганди.
Тоҳир Содиқов
19-октябрь куни Ўзбекистонда хизмат кўрсатган артист Тоҳир Содиқов учинчи марта бобо бўлди. Унинг қизи Асал эса илк марта оналик бахтига сазовор бўлди.
Рашид Холиқов
Рашид Холиқов 13 октябрь куни Рашид Холиқов кузатувчиларига учинчи бор неварали бўлгани ҳақида сўзлаб берди.
Озодбек Назарбеков
Ўзбекистон маданият вазири Озодбек Назарбеков неварали бўлди. Хонанданинг қизи Зиннура опаси Робияни қизли бўлгани билан табриклади.
Абдулла Қурбонов
Хонанда Абдулла Қурбоновга ҳам 2023 йилда бобо бўлиш бахти насиб этди. У хонанда ўғли Музаффар Қурбоновни 2022 йилнинг сентябрь ойида уйлантирганди. 2023 йил 4 декабрда эса ёш оила қиз фарзандли бўлишди.
Мавлуда Асалхўжаева
Хонанда Мавлуда Асалхўжаева 12 декабрь куни яна бир ўғил набирали бўлганини ва унга отасининг исмини қўйганини маълум қилди.
Изоҳ (0)