Фарзанд хонадонга қувонч, барака ва ота-онага чексиз бахт олиб келади, деб бежиз айтишмайди. Бу йил ўзбек шоу-бизнесининг кўплаб вакиллари ҳам бу бахтга эришишди.
Асал Абдуллаева ва Жаҳонгир Хўжаев
Жуфтлик якунланаётган йилни катта қувонч билан қаршилашган. Боиси, 11 январь куни қиз фарзандли бўлишди. Бу ҳақдаги хабарни жуфтликнинг энг яқин дўстларидан бири Диёрбек Бекжонов маълум қилганди. “Яқинда бола эдик, ъпапашаълар сони ортяпти, — деб дўстларини Instagram орқали муборакбод этганди.
Раъно Зокирова буви бўлди
Ўзбекистонда хизмат кўрсатган артист Раъно Зокирова бу йил буви бўлиш бахтига мушарраф бўлди. Ўтган йили оила қурган ўғли Умид Зокиров ўғил фарзандли бўлди. Аслида унинг ўғли режиссёр, келини Дилбар Зокирова эса актриса. Раъно Зокирова теленовеллаларнинг бирида келини билан учрашиб қолади ва уни ўғли билан таништиради. Ижодкорлар оиласи ҳозирги кунда Instagram тармоғидаги оилавий вайнлари билан ҳам машҳурликка эришмоқда.
Маърифат Ортиқова 40 ёшида она бўлди
Театр ва кино актрисаси Маърифат Ортиқова 39 ёшида ўзи жуфтини топиб оила қурганди. Орадан роппа-роса бир йил ўтиб, 3 июнь куни у ўғил фарзанд кўрганлигини маълум қилди.
— Болажонимни узоқ кутганман, у оиламизга қувонч олиб кирди, — дейди актриса.
Шаҳло Зоирова 4-бор она бўлди
Тиниб-тинчимас комик актриса Шаҳло Зоирова бу йил тўртинчи фарзандини дунёга келтирди. Эндиликда унинг уч ўғил ва бир қиз фарзандлари бор. Унинг ўғли 17 июль куни Туркиядаги машҳур клиникаларнинг бирида дунёга келди.
Нигина Анорбоева қизли бўлди
Бу йил иккинчи бор оила қурганини маълум қилган актрисага она бўлиш бахти ҳам насиб этди. У 22 сентябрь куни қиз фарзандли бўлганини маълум қилди.
Шаҳзода Муҳаммедова ўғилли бўлди
Актриса ва дизайнер Шаҳзода Муҳаммедова бу йил ўғил фарзанди бўлди. У ўғлини 1 декабрь куни эрта тонгда дунёга келтирди. Қизалоғи Миланани эса бундан роппа-роса уч йил аввал дунёга келтирганди. У Париждаги саёҳати давоми ҳомиладор эканлигини билгани ҳақида қувонч билан мухлисларига маълум қилганди.
Азамат Аҳроров яна ота бўлди
Машҳур актёр, режиссёр Азамат Аҳроровнинг рафиқаси Дилноза Аҳророва 21 октябрь куни учинчи бор она бўлди. Жуфтликнинг Азизмуҳаммад исмли ўғли ва Сафия исмли қизи бор эди. Ҳозир улар қаторига яна бир ширингина ўғилча қўшилган.
Ганя Усмонова ҳам иккинчи марта она бўлди
Миллиардер Алишер Усмоновнинг жияни, инстаблогер Ганя Усмонова бу йил иккинчи бор она бўлади. У қизи Меҳринурга ширингина сингил совға қилди.
Малика Авазова эгизак фарзандли бўлди
Актриса тўрт йилдан буён фарзандли бўлишни режалаштирарди. Узоқ кутилган неъмат оилага бу йил насиб қилди. Энг қувончлиси у эгизак фарзандларни дунёга келтирди. Ўғилларига Муҳаммадамин ва Муҳаммадали деб исм қўйишди.
Бунёд Раҳматуллаев илк марта ота бўлди
“Йиғламагин” ва “Сеҳрли қалпоқча” фильмларидаги образлари билан томошабинлар меҳрини қозонган актёр Бунёд Раҳматуллаев 2023 йилнинг октябрь ойида оталик бахтига сазовор бўлди.
“Уммон”чи Шохрух икки қиздан сўнг ўғилли бўлди
“Уммон” гуруҳи хонандаси Шоҳрух учун 2023 йил қувончли келди. Хонанда икки қиз фарзандидан сўнг ўғилли бўлди.
Хонзода Қамбарова учинчи бор қиз фарзандли бўлди
Актриса ва инстаблогер Хонзода Қамбарова якунланаётган йилда яна қиз фарзандли бўлди. Энди у учта ширингина қизалоқнинг онаси.
Изоҳ (0)