Yakunlangan 2023-yilda o‘zbek shou-biznes vakillarining ko‘pchiligi bobo va buvilik maqomiga erishdi. Ijtimoiy tarmoqlar orqali esa “ulg‘ayganlarini” maʼlum qilishdi.
Dilshod Musabekov
“Dizayn” jamoasi aʼzosi Dilshod Musabekov 8-yanvar kuni qiz nabirali bo‘lganini maʼlum qilgandi. O‘tgan yili turmushga chiqqan qizi unga qiz nabira tuhfa qildi.
Munojot Yo‘lchiyeva
O‘zbekiston xalq artisti Munojot Yo‘lchiyevaning nabiralari soni o‘tgan yili yana bittaga ko‘paydi. U yanvar oyida o‘g‘il nabirali bo‘lganini maʼlum qilib, hamkasblari va yaqinlari uchun yangi uyida ziyofat qildi.
Tojivoy Shukurov
4-mart kuni xonanda Tojivoy Shukurov qiz nabirali bo‘lganini maʼlum qilgandi. 2022-yili oila qurgan Izzat Shukurov qiz farzandli bo‘ldi va unga Moriya deb ism qo‘ydi.
Zulayho Boyxonova
O‘zbekiston xalq artisti Zulayho Boyxonova 20-mart kuni o‘g‘il nabirali bo‘lganini maʼlum qildi. O‘tgan yili o‘g‘lini uylantirgandi, oradan bir yil o‘tib xonadoniga yangi mehmon kelganini eʼlon qildi.
Sobirjon Mo‘minov
2022-yilda birdan uch o‘g‘lini uylantirib, xalqqa dasturxon yozgan Sobirjon Mo‘minov 20-iyul kuni o‘g‘il nabirali bo‘lganini maʼlum qildi.
Muhammadiso Abdulxairov
Komik aktyor Muhammadiso Abdulxairov ham mart oyida qiz nabiralik bo‘ldi. U nabirasiga Osiyo deb ism qo‘yganini Instagram orqali maʼlum qildi. Uning Robiyaxon ismli yana bir nabirasi bor.
Raʼno Zokirova
O‘zbekistonda xizmat ko‘rsatgan artist Raʼno Zokirova 18-oktyabr kuni ilk marta nabirali bo‘lganini maʼlum qildi. U o‘tgan yili rejissor o‘g‘li Umid Zokirovni Dilbar ismli yosh aktrisaga uylantirgandi.
Tohir Sodiqov
19-oktabr kuni O‘zbekistonda xizmat ko‘rsatgan artist Tohir Sodiqov uchinchi marta bobo bo‘ldi. Uning qizi Asal esa ilk marta onalik baxtiga sazovor bo‘ldi.
Rashid Xoliqov
Rashid Xoliqov 13-oktyabr kuni Rashid Xoliqov kuzatuvchilariga uchinchi bor nevarali bo‘lgani haqida so‘zlab berdi.
Ozodbek Nazarbekov
O‘zbekiston madaniyat vaziri Ozodbek Nazarbekov nevarali bo‘ldi. Xonandaning qizi Zinnura opasi Robiyani qizli bo‘lgani bilan tabrikladi.
Abdulla Qurbonov
Xonanda Abdulla Qurbonovga ham 2023-yilda bobo bo‘lish baxti nasib etdi. U xonanda o‘g‘li Muzaffar Qurbonovni 2022-yilning sentyabr oyida uylantirgandi. 2023-yil 4-dekabrda esa yosh oila qiz farzandli bo‘lishdi.
Mavluda Asalxo‘jayeva
Xonanda Mavluda Asalxo‘jayeva 12-dekabr kuni yana bir o‘g‘il nabirali bo‘lganini va unga otasining ismini qo‘yganini maʼlum qildi.
Izoh (0)