Президент администрацияси Ахборот сиёсати департаменти раҳбари Комил Алламжонов ҳамда Президент матбуот котиби Шерзод Асадов Туркиянинг мамлакатимиздаги фавқулодда ва мухтор элчиси Олган Бекар билан учрашди.
“Бугун Туркиянинг мамлакатимиздаги фавқулодда ва мухтор элчиси Олган Бекар билан учрашув ўтказдик.
Ўзбекистон делегацияси ноябрь ойи охирида Туркияга амалга оширган ташрифи якунларини муҳокама қилдик, эришилган келишувлар ижросининг боришини кўриб чиқдик. Келгуси йилдаги ҳамкорлик истиқболлари юзасидан ҳам фикр алмашдик", — деб ёзди Комил Алламжонов Telegram’даги ўз саҳифасида.
Шу йилнинг 1 декабрь куни Дубай шаҳрида БМТнинг Иқлим ўзгариши бўйича конференцияси доирасида Шавкат Мирзиёев Туркия президенти Ражаб Тоййиб Эрдўғон билан учрашганди.
Учрашувда кенг кўламли стратегик шерикликни янада кенгайтириш ва қўшма инвестиция лойиҳаларини илгари суриш борасидаги долзарб масалалар муҳокама қилинган.
Бундан ташқари, Ўзбекистон-Туркия Стратегик ҳамкорлик кенгашининг навбатдаги йиғилишини ўтказиш масалалари кўриб чиқилган.
Изоҳ (0)