Prezident administratsiyasi Axborot siyosati departamenti rahbari Komil Allamjonov hamda Prezident matbuot kotibi Sherzod Asadov Turkiyaning mamlakatimizdagi favqulodda va muxtor elchisi Olgan Bekar bilan uchrashdi.
“Bugun Turkiyaning mamlakatimizdagi favqulodda va muxtor elchisi Olgan Bekar bilan uchrashuv o‘tkazdik.
O‘zbekiston delegatsiyasi noyabr oyi oxirida Turkiyaga amalga oshirgan tashrifi yakunlarini muhokama qildik, erishilgan kelishuvlar ijrosining borishini ko‘rib chiqdik. Kelgusi yildagi hamkorlik istiqbollari yuzasidan ham fikr almashdik", — deb yozdi Komil Allamjonov Telegram’dagi o'z sahifasida.
Shu yilning 1-dekabr kuni Dubay shahrida BMTning Iqlim o‘zgarishi bo‘yicha konferensiyasi doirasida Shavkat Mirziyoyev Turkiya prezidenti Rajab Toyyib Erdo‘g‘on bilan uchrashgandi.
Uchrashuvda keng ko‘lamli strategik sheriklikni yanada kengaytirish va qo‘shma investitsiya loyihalarini ilgari surish borasidagi dolzarb masalalar muhokama qilingan.
Bundan tashqari, O‘zbekiston-Turkiya Strategik hamkorlik kengashining navbatdagi yig‘ilishini o‘tkazish masalalari ko‘rib chiqilgan.
Izoh (0)