“Фарғона” аэропортида ноқулай об-ҳаво шароити туфайли “Азимут” авиакомпаниясининг Москва—Фарғона рейси Намангандаги муқобил аэродромга йўл олди. Бу ҳақда Uzbekistan Airports матбуот хизмати хабар берди.
Маълум қилинишича, бортида 100 нафар йўловчи бўлган самолёт маҳаллий вақт билан соат 06:09 да Наманганга келиб қўнган. А9170 Фарғона—Москва рейси йўловчилари ерусти транспортида Наманган аэропортига етказилган.
8 декабрь куни қуюқ туман сабабли Ўзбекистондаги айрим аэропортлар фаолияти чеклангани тўғрисида хабар берилганди. Хусусан, Иркуцк—Фарғона йўналиши бўйича рейсни амалга ошираётган S7 Airlines самолёти ноқулай об-ҳаво шароити туфайли Наманган аэропортидаги муқобил аэродромга қўнган. Кейинроқ Ўзбекистон халқаро аэропортларида қолдирилган парвозлар бўйича маълумот берилган эди.
Изоҳ (0)