АҚШ ҳарбий-денгиз кучларининг “Мейсн” кемаси Аден кўрфазида “қароқчилар” томонидан қўлга олинган танкерга ёрдамга келди, деб хабар бермоқда Reuters АҚШ расмийлари баёнотига таяниб.
Central Park номли танкер озод қилинган, экипаж аъзоларининг ҳеч бири жабрланмаган, юкларга ҳам зарар етмаган. Баёнотда айтилишича, беш нафар қароқчи қайиқда қочишга уринган, бироқ уларни қўлга олишган. Ҳужум иштирокчилари ҳақида маълумот берилмаган.
Яман ҳудудидан Америка кемаси ва танкер томон иккита баллистик ракета учирилган. Аммо АҚШ расмийлари нишонни тахминан 10 денгиз мили (18,5 километр) нарига ўтказиб юборганини таъкидлади.
Фосфор кислотасини олиб кетаётган кемага ҳужум ҳақида 26 ноябрь куни тушдан кейин маълум бўлди. Қайд этилишича, танкер исроиллик тадбиркор Эяля Офернинг Zodiac Maritime компаниясига тегишли. Компания Zodiac Group таркибига киради.
Аввалроқ Яманнинг “Ансор Аллоҳ” гуруҳи Исроил ширкатларига қарашли ҳар қандай кемага ҳужум қилишини айтганди. Ўз навбатида Zodiac Group гап Аден кўрфазида фаол бўлган қароқчилар ҳақида кетаётганини истисно қилмади.
Изоҳ (0)