Қизил денгиз соҳилларини назорат қилувчи Яман шимолидаги ҳукмрон Ансор Аллоҳ (ҳусийлар) ҳаракати Исроил билан боғлиқ ҳар қандай кемага ҳужум қилиш ниятида экани ҳақида огоҳлантирди. Бу ҳақда ”РИА Новости” хабар берди.
Ҳусийлар бошқа давлатларни мазкур кемалардаги экипажларини чақириб олишга ва денгизда уларга яқинлашмасликка чақирди.
“Ғазо секторига қарши шафқатсиз Исроил-Америка агрессиясини ҳисобга олиб, Яман қуролли кучлари сионистик тузум байроғи остида сузувчи барча кемалар, Исроил компаниялари томонидан бошқариладиган ва Исроил компанияларига тегишли бўлган кемаларни нишонга олишларини эълон қилади”, — деди ҳусий қуролли кучларининг ҳарбий вакили Яҳё Сария.
Шунингдек, Яман қуролли кучлари дунёнинг барча мамлакатларини ўз фуқароларини ушбу кемалар экипажларидан чақириб олишга, юк ташишдан ва бу кемалардан фойдаланишдан қочишга ҳамда денгизда саёҳат қилишда улар билан хавфсиз масофани сақлашга чақирди.
Изоҳ (0)