Чехиядаги касаба уюшмалари бугун, 27 ноябрь куни қарийб 1 миллион ишчи ва ходимларни қамраб оладиган иш ташлаш ўтказади.
“Бу мамлакат тарихидаги энг йирик кўрсаткич бўлади”, — деди Чехия-Моравия касаба уюшмалари конфедерацияси (CМTU) раҳбари Ёзеф Стршедула.
Унинг сўзларига кўра, чехлар “ҳозирги вазиятдан ғазабланган” ва “ҳукумат уларга қулоқ солмаётгани”дан норози бўлишмоқда.
“Иш ташлашдан мақсад республика ҳукуматини жамиятда содир бўлаётган воқеалар ҳақида ўйлашга мажбур қилишдир. Агар улар бундай хатти-ҳаракатни сезмагандек четга суриб қўйиш мумкин, деб ўйлашса, бу ҳолда жамиятдаги кайфият янада ёмонлашиши мумкин”, деди Стршедула.
Касаба уюшмаларининг норозилигига асосий сабаб президент Пётр Павел давлат молиясини яхшилаш бўйича чора-тадбирлар комплексини имзолагани бўлди. Унга кўра, давлат субсидияларини қисқартириш, айрим солиқ имтиёзларини бекор қилиш, бир қатор товарлар ва хизматларга ҚҚСни ошириш, ва пенсияларни тўлаш шартларини ўзгартириш кўзда тутилган.
Касаба уюшмалари ва мухолифат фикрича, бу ўзгаришлар инфляциянинг кучайишига ва фуқароларнинг турмуш даражасининг пасайишига олиб келади.
Изоҳ (0)