Chexiyadagi kasaba uyushmalari bugun, 27-noyabr kuni qariyb 1 million ishchi va xodimlarni qamrab oladigan ish tashlash o‘tkazadi.
“Bu mamlakat tarixidagi eng yirik ko‘rsatkich bo‘ladi”, — dedi Chexiya-Moraviya kasaba uyushmalari konfederatsiyasi (CMTU) rahbari Yozef Strshedula.
Uning so‘zlariga ko‘ra, chexlar “hozirgi vaziyatdan g‘azablangan” va “hukumat ularga quloq solmayotgani”dan norozi bo‘lishmoqda.
“Ish tashlashdan maqsad respublika hukumatini jamiyatda sodir bo‘layotgan voqealar haqida o‘ylashga majbur qilishdir. Agar ular bunday xatti-harakatni sezmagandek chetga surib qo‘yish mumkin, deb o‘ylashsa, bu holda jamiyatdagi kayfiyat yanada yomonlashishi mumkin”, dedi Strshedula.
Kasaba uyushmalarining noroziligiga asosiy sabab prezident Pyotr Pavel davlat moliyasini yaxshilash bo‘yicha chora-tadbirlar kompleksini imzolagani bo‘ldi. Unga ko‘ra, davlat subsidiyalarini qisqartirish, ayrim soliq imtiyozlarini bekor qilish, bir qator tovarlar va xizmatlarga QQSni oshirish, va pensiyalarni to‘lash shartlarini o‘zgartirish ko‘zda tutilgan.
Kasaba uyushmalari va muxolifat fikricha, bu o‘zgarishlar inflyatsiyaning kuchayishiga va fuqarolarning turmush darajasining pasayishiga olib keladi.
Izoh (0)