“Толибон” матбуот котиби Забиҳуллоҳ Мужоҳид Афғонистонда аёлларга нисбатан зўравонликнинг ҳар қандай тури тақиқланганини маълум қилди. Бу ҳақда Bakhtar News хабар берди.
Мужоҳид “Халқаро аёлларга нисбатан зўравонликка барҳам бериш куни” муносабати билан шундай баёнот берди. У Афғонистонда аёлларга нисбатан зўравонлик қилганлар тегишли хизматлар томонидан аниқланиб, суд муассасаларига жазо тайинланиши учун олиб келинаётганини айтди.
“Мажбурий никоҳ, аёлларга нисбатан оилавий зулмга йўл қўйиб бўлмайди ва айни пайтда аёлларга нисбатан зўравонлик учун қамоқда ўтирганлар бор ва уларнинг ҳолатлари текширилмоқда”, — деди Мужоҳид.
Афғонистонда аёлларга нисбатан жорий қилинган тақиқлар қуйидагилар:
- афғонистонлик аёлларнинг БМТ идораларида ишлаши;
- эркакларга аёллар учун кийим тикиш;
- аёлларнинг эркак шифокорларга бориши;
- аёлларнинг шифохонага ёлғиз бориши;
- аёлларнинг истироҳат боғига ташриф буюриши,
- оилалар ва аёлларнинг боғлари ёки яшил ҳудудлари бўлган ресторанларга кириши,
- аёллар овози эшитилган рекламаларни эфирга узатиш тақиқланган.
Изоҳ (0)