Афғонистонда 19 яшар келинчак ўзини отиб ўлдирди 

Афғонистоннинг Сарпул вилоятида турмуш қурганига бир ойдан ошган келинчак ўзини отиб ўлдирди. Бу ҳақда “Дарё” мухбири хабар берди.

Вилоятдаги “Толибон” полицияси тўй маросимини куёв иштирокисиз нишонлаган қиз ўз жонига қасд қилганини айтди. Марҳума Санчарак тумани “Занжон” қишлоғида яшаган. У 4 июль куни қурол билан ўзига ўқ узган, бироқ ҳодиса сабаби очиқланмаган.

Таъкидланишича, марҳума 19 ёшда бўлган ва қирқ кун олдин турмуш ўртоғи иштирокисиз ўз тўйини нишонлаган.

Афғонистонда аёлларга нисбатан қўлланган тақиқлар

Афғонистонлик аёлларнинг БМТ идораларида ишлаши, эркакларга аёллар учун кийим тикиш, аёлларнинг эркак шифокорларга бориши, аёлларнинг шифохонага ёлғиз бориши ва уларнинг истироҳат боғига ташриф буюриши тақиқлаган.

Шунингдек, Афғонистонда оилалар ва аёлларнинг боғлари ёки яшил ҳудудлари бўлган ресторанларга кириши ва аёллар овози эшитилган рекламаларни эфирга узатиш тақиқланган.