Ўзбекистон ва Қирғизистон туризм идоралари бир неча йўналишда ҳамкорликни ривожлантириш бўйича қўшма лойиҳаларни муҳокама қилди.
Бу масала 14 ноябрь куни Қирғизистон Туризмни ривожлантириш жамғармаси президенти Абилқосим Шерниёзов Ўзбекистон Туризм қўмитаси раисининг биринчи ўринбосари Жамшид Абдусаломов учрашувида кўриб чиқилган.
Жамғарма матбуот хизматининг хабар қилишича, томонлар Токио— Тошкент—Бишкек қўшма авиарейсларини йўлга қўйиш имкониятини муҳокама қилди. Бироқ хабарда бу йўналишдаги режалар тафсилотлари келтирилмаган.
Ўшдан икки давлат чегарасигача автобус йўналишларини йўлга қўйиш имкониятлари ҳам кўриб чиқилган. Қайд этилишича, бу Самарқандда ишлаб чиқарилган автобусларда амалга оширилади. Ўзбекистон уларни лизингга беришга тайёр.
“Маданият” чегара пунктини (Андижон чегарасидаги) ободонлаштириш, сайёҳларни рўйхатга олиш муддатини паритет асосда узайтириш масаласи ҳам кўтарилган.
Изоҳ (0)