Мирзиёев: Ўзбекистон—Қирғизистон ҳамкорлигини ривожлантиришга қаратилган ҳаракатлар муваффақияти транспорт соҳасидаги ҳамкорлик самарадорлигига боғлиқ

Ўзбекистон—Қирғизистон ҳамкорлигини ривожлантиришга қаратилган ҳаракатлар муваффақияти кўп жиҳатдан транспорт соҳасидаги ҳамкорлик самарадорлигига боғлиқ. Бу ҳақда Шавкат Мирзиёев ва Садир Жапаров билан бўлиб ўтган музокаралардан сўнг оммавий ахборот воситалари вакиллари учун ўтказилган брифингда айтиб ўтди.

“Саъй-ҳаракатларимизнинг муваффақияти кўп жиҳатдан транспорт соҳасидаги ҳамкорликнинг самарадорлигига боғлиқ”, — деди давлат раҳбари.  Шу сабабли транспорт коммуникацияларини ривожлантириш стратегик йўналишлардан бири эканлигини қайд этди.

Музокаралар давомида етакчилар Хитой—Қирғизистон—Ўзбекистон темир йўлини қуриш борасидаги саъй-ҳаракатларни фаоллаштиришга аҳдлашиб олдилар. Энергетика соҳаси ҳам, хусусан, Қамбарота ГЭС-1 ни биргаликда барпо этиш масалалари атрофлича кўриб чиқилди.

“Ушбу мегалойиҳа, ҳеч шубҳасиз, нафақат Ўзбекистон ва Қирғизистоннинг, балки бутун минтақамизнинг барқарор тараққиётига хизмат қилади”, — деди Шавкат Мирзиёев.

Музокараларда ҳудудлараро алоқаларни фаоллаштиришга алоҳида эътибор қаратилди. Чегараолди вилоятлар раҳбарлари кенгашининг йиғилишларини мунтазам ўтказиб бориш мазкур алоқаларнинг кенгайишига хизмат қилади.

“Бошқа ҳеч бир мамлакат билан бундай ноёб мулоқот майдонига ўхшаши йўқ”, — деди Шавкат Мирзиёев.