Хитойнинг Ўзбекистондаги элчихонаси томонидан ташкил этилган брифингда Хитой элчиси Юй Сзюн Ўзбекистон—Қирғизистон—Хитой темирйўл лойиҳаси ҳақида тўхталиб ўтди.
Элчи Юй Сзюннинг айтишича, етакчилар доирасида келишилган иш, албатта, муваффақиятли охирига етказилади.
“Хитой бу лойиҳага жиддий қарайди. Ҳозирги кунда доимий ва тезкор равишда келгуси қадамлар борасида келишувлар олиб борилмоқда. Бу ерда 500 км дан узунроқ темирйўл ва кичик бўлмаган сумма ҳақида гап кетмоқда. Воз кечмаймиз, чунки бу лойиҳа Хитой, Ўзбекистон ва Қирғизистон манфаатлари учун хизмат қилади”, —деди элчи.
Тўхтаб қолган лойиҳа
Ўзбекистон—Қирғизистон—Хитой темирйўл лойиҳаси кўп йиллардан бери ортга суриб келинади. 2018 йилда Ўзбекистон—Қирғизистон—Хитой темирйўл линиясини қуриш лойиҳаси биргаликда тайёрланаётгани айтилган эди.
Жорий йилнинг январь ойида Ўзбекистон ва Қирғизистон етакчилари темирйўлни қуриш борасидаги саъй-ҳаракатларни фаоллаштиришга аҳдлашиб олганди.
Маъулмот учун, Юй Сзюн июль ойида Хитойнинг Ўзбекистондаги фавқулодда ва мухтор элчиси вазифасида иш бошлаган эди.
Изоҳ (0)