Бишкекда Қирғизистон Иқтисодиёт вазирлиги вакили Алмаз Темирбеков ва Ўзбекистон асаларичилик тармоғи вакили Шуҳрат Ғаниев ўртасида асал сотиб олиш бўйича музокаралар бўлиб ўтди. Бу ҳақда Қирғизистон Иқтисодиёт вазирлиги матбуот хизмати хабар берди.
Музокаралар якунида ҳамкорлик меморандуми имзоланди ва Тошкентга асал етказиб бериш бўйича дастлабки шартнома тузилди. Бу қадам нафақат Қирғизистон ва Ўзбекистон ўртасидаги, балки уларнинг чегараларидан ташқарида ҳам асаларичилик ва ушбу маҳсулотларни ишлаб чиқариш соҳасидаги савдо алоқаларини кенгайтириши мумкин.
Imzoланган ҳамкорлик меморандуми қўшма лойиҳаларни амалга оширишга қаратилган бўлиб, дастлабки шартнома Тошкентга қирғиз тоғ асалини етказиб беришни маъқуллайди.
Қирғизистон яна қайси давлатларга асал етказиб беради?
Ўзбекистондан ташқари, Қирғизистон ушбу маҳсулотларни дунёнинг 25 давлатига сотади. Бугунги кунда Қирғизистондан Хитой, БАА, Саудия Арабистони ва Россияга асал экспорт қилинмоқда.
Бирлашган Араб Амирликларига 19 миллион 694,8 минг сомлик (220 минг 497 доллар), Саудия Арабистонига 17 миллион 553 минг сомлик (196 минг 518 доллар) ва Японияга 15 миллион 591,2 минг сомлик (174 минг 554 доллар) асал етказиб берилган.
Ҳар йили 150-170 тонна асал Хитойга сотилмоқда. Бундан ташқари, 2019 йил ёзида бўлиб ўтган ШҲТ саммити чоғида икки давлат раҳбарлари қўшимча асал етказиб бериш бўйича протокол имзолаган.
Изоҳ (0)