Фарғона ва Самарқанд вилоятларида акциз маркасиз тамаки маҳсулотларини муомалага киритилишининг олди олинди, деб хабар беради Бош прокуратура ҳузуридаги департамент.
Қайд этилишича, департаментнинг Қўқон шаҳар бўлими томонидан ДХХ ва ИИБ ходимлари билан ҳамкорликда тезкор тадбир ўтказилди. Тадбирда фуқаролар И.К., М.К. ва бошқалар “Сунбула” МФЙ ҳудудидаги иккита хонадонда акциз маркасиз тамаки маҳсулотларини сақлаш учун “яма” ташкил этиб, умумий баҳоси 720 миллион сўмлик 25 хил турдаги жами 52 970 қути хорижий давлатларда ишлаб чиқарилган тамаки маҳсулотларини ўтказиш мақсадида сақлаб келгани аниқланиб, ушбу тамаки маҳсулотлари ашёвий далил сифатида олинган.
Шу каби, департаментнинг Тайлоқ туман бўлими томонидан Божхона ва ИИБ ходимлари билан ҳамкорликда ўтказилган тезкор тадбирда Ш.С. ва Д.Т. исмли шахслар хорижда ишлаб чиқарилган 2 000 қути Эссе Чанге номли акциз маркасиз тамаки маҳсулотини фуқаро Г.К.га 3 660 долларга сотган вақтида ушланиб, тадбир якунида Ш.С.нинг хонадонидан сотиш мақсадида сақлаб келинган жами 2 410 қути тамаки маҳсулоти ашёвий далил сифатида олинган.
Мазкур ҳолатлар юзасидан Жиноят кодексининг 25, 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят ишлари қўзғатилиб, тергов ҳаракатлари ўтказилмоқда.
- Наманганда май ойида вилоят ҳудудига ноқонуний олиб кирилган қарийб 200 миллион сўмлик тамаки маҳсулотлари ёқиб юборилганди.
- Шунингдек, Тошкент ва Фарғонада акциз маркасиз тамаки ва алкогол маҳсулотлари савдоси тўхтатиб қолингани,
- Наманган вилоятида ўтказилган тезкор тадбирда акциз маркасиз тамаки маҳсулотлари муомалага киритилишининг олди олингани тўғрисида хабар берилганди.
Изоҳ (0)