O‘zbekiston va Qirg‘iziston turizm idoralari bir necha yo‘nalishda hamkorlikni rivojlantirish bo‘yicha qo‘shma loyihalarni muhokama qildi.
Bu masala 14-noyabr kuni Qirg‘iziston Turizmni rivojlantirish jamg‘armasi prezidenti Abilqosim Sherniyozov O‘zbekiston Turizm qo‘mitasi raisining birinchi o‘rinbosari Jamshid Abdusalomov uchrashuvida ko‘rib chiqilgan.
Jamg‘arma matbuot xizmatining xabar qilishicha, tomonlar Tokio— Toshkent—Bishkek qo‘shma aviareyslarini yo‘lga qo‘yish imkoniyatini muhokama qildi. Biroq xabarda bu yo‘nalishdagi rejalar tafsilotlari keltirilmagan.
O‘shdan ikki davlat chegarasigacha avtobus yo‘nalishlarini yo‘lga qo‘yish imkoniyatlari ham ko‘rib chiqilgan. Qayd etilishicha, bu Samarqandda ishlab chiqarilgan avtobuslarda amalga oshiriladi. O‘zbekiston ularni lizingga berishga tayyor.
“Madaniyat” chegara punktini (Andijon chegarasidagi) obodonlashtirish, sayyohlarni ro‘yxatga olish muddatini paritet asosda uzaytirish masalasi ham ko‘tarilgan.
Izoh (0)