Давлат хавфсизлиги хизмати ходимлари томонидан 250 миллион сўмдан ортиқ қалбаки купюраларни муомалага киритмоқчи бўлган шахсни ушлади, деб хабар беради ЎзА.
Қайд этилишича, ДХХ Тошкент вилояти бўйича бошқармаси ходимлари томонидан вилоят божхона ва ички ишлар бошқармаси билан ҳамкорликда Бекобод тумани ҳудудида тезкор тадбир амалга оширилган.
Унда Сирдарё вилоятининг Ховос туманида яшовчи А.Р. ноқонуний тарзда қўлбола усулда тайёрланган 250 миллион 800 минг сўм миқдоридаги 100 минг сўмлик қалбаки купюраларни 100 миллион сўмга сотмоқчи бўлган вақтида қўлга олинган.
Бундан олдин Навоий вилояти ИИБ ТҚХ ЖҚБ, ДХХ Навоий вилояти бошқармаси ва департамент ходимлари билан ҳамкорликда ўтказилган тезкор тадбирда жиноий гуруҳ томонидан 400 миллион сўм сохта пуллар 160 миллион сўм ҳақиқий пулларга алмаштирилаётган пайтда қўлга олинганди. Апрель бошларида эса Тошкент шаҳри Янгиҳаёт туманида харидор қалбаки пулга iPhone сотиб олгани, Тошкент вилояти Ангрен шаҳрида қалбаки пуллар муомалага киритилишининг олди олингани тўғрисида хабар берилганди.
2022 йил ноябрида Наманган вилоятида қалбаки 8 300 долларни муомалага киритишга уринган шахс ушланган эди. Декабрда эса Наманганда МИБ идорасида қалбаки 10 000 доллар ёқиб юборилган.
Изоҳ (0)