Ҳиндистон пойтахти Нью-Деҳлида токсик ҳаво туфайли нафас олиш муаммолари билан касалхонага келган болалар сони кўпаймоқда. Бу ҳақда Bloomberg хабар берди.
Ҳукумат ҳолат юзасидан пойтахт мактабларини шу ҳафта охиригача ёпган. Ҳудудий ҳаво сифатини бошқариш комиссияси қурилиш ишларини тўхтатиш, жамоат транспортидан фойдаланишни рағбатлантириш ва уйдан ишлашни ўз ичига олган инқирозга қарши режани фаоллаштирди.
Ҳаво сифатини мониторинг қилувчи IQAir компанияси маълумотларига кўра, 3 ноябрь куни Ҳиндистон пойтахти дунёдаги энг ифлосланган шаҳарга айланди. Майда заррачалар концентрацияси кубометр учун 523 мг ни ташкил этди, бу Жаҳон соғлиқни сақлаш ташкилоти тавсиясидан 104,6 баравар кўпдир.
Ушбу заррачалар сурункали юрак ва нафас олиш касалликларига олиб келиши мумкин ва ҳинд педиатрларининг фикрига кўра, аллақачон болаларда йўтал кўпайган, ҳатто чақалоқлар ҳам нафас олиш белгилари билан амбулатория клиникаларига ётқизилган.
Одатда Деҳли ҳавосининг сифати октябрь ва ноябрь ойлари орасида бир қатор омиллар, жумладан, об-ҳаво шароити, чиқиндилар ва паст ҳароратлар туфайли ёмонлашади.
Изоҳ (0)