Нукусда қалбаки акциз маркалари билан қадоқланган қўлбола усулда тайёрланган алкогол маҳсулотларини ишлаб чиқараётган яширин цех фаолиятига чек қўйилди. Бу ҳақда Қорақалпоғистон Республикаси божхона бошқармаси хабар берди.
Қайд этилишича, сифати кафолатланмаган, қўлбола усулда тайёрланган алкогол маҳсулотларини аниқлаш ва уларни ишлаб чиқараётган яширин цехлар фаолиятига чек қўйиш мақсадида Нукус шаҳрида тезкор тадбир ўтказилган.
Тезкор тадбир давомида “Бўз овул” маҳалла фуқаролар йиғини ҳудудидаги хонадонлардан бири холислар иштирокида кўздан кечирилган. Натижада фуқаро А.Б томонидан ижарага олинган хонадондан қўлбола усулда алкогол маҳсулотларини ишлаб чиқариш учун яширин цех сифатида фойдаланилиб келинаётгани фош этилган.
Унда қўлбола усулда тайёрланган ва қалбаки акциз маркалари билан қадоқланган жами 705 литр “Қаратау” ёзувли ароқ маҳсулотлари, 640 литр “Антисептик” ёзувли спирт, 3597 дона қалбаки акциз маркалари, 2187 дона шиша капсуласи, 965 дона шиша идиш қопқоқлари, 4 рулон этикетка, 20 литр филтр сув, 1 дона сана учун муҳр борлиги аниқланиб, ашёвий далил тариқасида вақтинча сақловга олинган.
- Сурхондарёда июнь ойида ҳам истеъмолга яроқсиз ёғ маҳсулотлари муомалага киритилишининг олди олинганди.
- Хоразмда бўлса инсон соғлиғи учун хавфли спиртли ичимликларни тайёрлаб келган шахс фаолиятига чек қўйилгани,
- Наманганда 550 миллион сўмлик дори воситалари йўқ қилингани тўғрисида хабар берилганди.
Изоҳ (0)