Андижон вилояти ҳокими Шуҳрат Абдураҳмонов хитойлик инвесторлар билан учрашув ўтказди. Бу ҳақда вилоят ҳокимлиги матбуот хизмати хабар берди.
Маълум қилинишича, ушрашувда бир қанча самарали лойиҳалар муҳокама этилган. Хусусан, туризм соҳасини ривожлантириш ҳамда хорижий сайёҳларни жалб этиш мақсадида майдони 4 гектарни ташкил этувчи умумий қиймати 12 миллион доллар бўлган ёпиқ муз курортини қуриш ҳамда меваларни қайта ишлаш орқали экспорт қилиш масалалари кўриб чиқилган.
Лойиҳада кўрсатилишича, мазкур ёпиқ муз курортида 500 та автомобилни сиғдира оладиган автотураргоҳ, спорт майдончалари, кинотеатр, ресторан ва бошқа хизмат кўрсатиш фаолиятлари мавжуд бўлади. Бундан ташқари, лойиҳа 365 кун 24 соат мобайнида ишлаш қувватига мўлжалланган ҳолда ишлаб чиқилган.
Учрашув давомида томонлар ўзаро мулоҳазаларини атрофлича ўртоқлашган ва ҳозирнинг ўзида лойиҳа учун таклиф этилган жойларни кўздан кечириш мақсадида Хонобод шаҳрига борган.
Эслатиб ўтамиз, 2021 йил июлда Андижон шаҳрида 350 нафар томошабинга мўлжалланган биринчи муз саройи иш бошлаганди. Ўшанда мазкур мажмуага 17 миллиард сўм сарфлангани айтилган эди.
Изоҳ (1)
bunaqa LGBT support qiladigan rasmladan boshqasi yòqmi