Италия Молиявий гвардияси 6-октябр жума куни Сицилиядаги мафия гуруҳининг 98 миллион евролик активлари ва мулкларини мусодара қилди.
Сицилиянинг турли провинциялари, Ломбардия минтақаси, Венето ва пойтахт Latsioда ўтказилган операцияда 50 нафар Молиявий гвардия ходимлари иштирок этмоқда.
Активлар Сицилиянинг Катания провинциясида 2021 йилдан бери ҳибсда сақланаётган Сиверино фамилияли ота ва ўғилга тегишли. Уларнинг мафия фаолиятида айбланганлик бўйича иши судга юборилган.
Мазкур оила маҳаллий жиноий кланлардан бирининг “хазинасини” тўлдириш ва клан аъзоларига “барқарор ва узоқ муддатли” ёрдам кўрсатиш орқали уларни доимий равишда қўллаб-қувватлаган. Ушбу ёрдам эвазига Сиверинолар оиласи “ҳимоя ва тадбиркорлик фаолиятини кенгайтиришда ёрдам” олганлар, дейилади Молиявий гвардия хабарида.
Сивериноларга тегишли 70 та кўчмас мулк объекти, 1,7 миллион евролик нақд пул, 250 минг евродан ортиқ заргарлик буюмлари ва қимматбаҳо жиҳозлар, 16 миллион евролик банк, молиявий, шахсий ва корпоратив активлар мусодара қилинди.
Изоҳ (0)