Эроннинг олти вилоятида содир бўлган сув тошқинлари оқибатида камида 457 киши жабрланди. Бу ҳақда ISNA агентлиги маълум қилди.
Эрон Қизил Ярим Ой Жамияти маълумотларига кўра, Мешгиншеҳрада бир инсон табиий офат натижасида вафот этган.
Ҳаммаси бўлиб, камида 15 та шаҳар сув тошқинидан зарар кўрган, уларнинг аҳолисига 59 та тезкор гуруҳ, жумладан, 204 нафар қутқарувчи ёрдам бермоқда.
Сув тошқинидан жабрланганларга зарур воситалар ва озиқ-овқат маҳсулотлари етказиб берилмоқда, уларнинг бир қисми фавқулодда хизматлар томонидан хавфсиз ҳудудларга эвакуация қилиниб, вақтинчалик яшаш жойлари билан таъминланяпти.
Агентлик қайд этишича, табиий офатдан энг кўп Ислом Республикаси шимоли-ғарбида жойлашган Ардабил, Ғарбий Озарбайжон ва Шарқий Озарбайжон каби ҳудудлар жабр кўрган.
Изоҳ (0)