Россия президенти Владимир Путин “Валдай” халқаро мунозара клубининг 20-йиғилиши доирасидаги конференция чоғида Россия ядро қуролини синовдан ўтказиши керакми ёки йўқлигини билмаслигини айтди.
Унинг таъкидлашича, Қўшма Штатлар фақат ядровий қурол синовларини тақиқлаш ҳақидаги ҳужжатни имзолаган, Россия ҳам уни имзолаган ва ратификация қилган. Путиннинг фикрича, “назарий жиҳатдан бу ратификацияни бекор қилиш мумкин”.
“Мен ядровий қурол синовларига қайтишга чақириқларни кўряпман. Ядро синовлари ўтказилиши керакми ёки йўқми, бир нарса дейишга тайёр эмасман, лекин биз вазиятга қараб муқобил жавоб қайтарамиз”, — деди Путин.
Унинг сўзларига кўра, агар Россияга қарши ядро қуроли қўлланилса, жавоб зарбасида “шунчалик кўп ракеталар бўладики, бирорта ҳам душман омон қолиш имкониятига эга бўлмайди”.
Путин ядро қуролидан фойдаланиш имконияти ҳарбий доктринада кўрсатилганини таъкидлади. Ҳозирча у бу борада бирор нарсани ўзгартириш заруриятини кўрмаётганини қўшимча қилди.
“Ҳамма нарсани ўзгартириш мумкин, лекин мен бунга эҳтиёж сезмаяпман. Бугунги кунда Россия давлатчилиги ва Россия давлатининг мавжудлигига таҳдид соладиган вазият йўқ”, — деди Россия президенти.
Изоҳ (0)