Анқарадаги кўмир конида тупроқ кўчиши оқибатида 15 нафар ишчи жароҳат олди. Бу ҳақда маҳаллий ҳокимият маълум қилди.
Ҳиркатепе туманидаги “К” кон участкасида тупроқнинг кўчиши туфайли 15 нафар кончи енгил тан жароҳати олди, дейилади хабарда.
Жароҳатланганларнинг уч нафари касалхонага ётқизилган бўлиб, қолганларга воқеа жойида тиббий ёрдам кўрсатилган.
2022 йилнинг 14-октябр куни Туркиянинг Бартин вилояти Амасра туманидаги кўмир конида портлаш юз бериши оқибатида 40 нафар инсон ҳалок бўлганди. Ўшанда Туркия президенти Ражаб Тоййиб Эрдўғон воқеа жойига етиб бориб, вазият билан яқиндан танишган ва ҳалок бўлганларнинг оила аъзоларига ҳамдардлик билдирган.
Туркия конларидаги энг йирик портлашлардан бири 2014 йил майида Маниса вилоятида содир бўлган, ўшанда 270 дан ортиқ одам ҳалок бўлганди.
Изоҳ (0)