Россия қўшинлари Харьков вилоятининг Купянский туманидаги кафе-дўконга ракета ҳужуми уюштирди, оқибатда 47 киши ҳалок бўлди, дея маълум қилди Украина президенти Владимир Зеленский Telegram’даги каналида.
“Россия террорига чек қўйиш керак. Россияга санкцияларни четлаб ўтишга ёрдам берадиган ҳар бир одам жиноятчидир. Россияни ҳозиргача қўллаб-қувватлаган ҳар бир одам ёвузликни қўллаб-қувватламоқда. Россияга бу ва шунга ўхшаш терактлар фақат битта мақсадда керак: ўзининг геноцид агрессиясини бутун дунё учун янги нормага айлантириш. Ҳаётни асрашда бизни қўллаб-қувватлаётган ҳар бир раҳбарга, ҳар бир инсонга миннатдорчилик билдираман!” — деди у.
Харьков вилояти ҳарбий бошқармаси бошлиғи Олег Синегубовнинг аниқлик киритишича, Россия қўшинлари Купянский тумани Гроза қишлоғидаги кафе ва дўконга зарба берган.
“Ҳозирги вақтда вайроналар остидан 48 нафар ҳалок бўлганларнинг жасади чиқарилди, улар орасида олти ёшли бола ҳам бор. Яна олти киши, жумладан, бир бола жароҳатланган. Шифокорлар уларга зарур ёрдам кўрсатмоқда”, — деди Синегубов.
Изоҳ (0)