Ўзбекистон ташқи ишлар вазири Бахтиёр Саидов мамлакатдаги дипломатик миссиясини якунлаётган Канада элчиси Элисон Мери Леклерни қабул қилди. Бу ҳақда вазир ўзининг Telegram даги саҳифасига ёзиб қолдирди.
“Ўзбекистондаги дипломатик миссиясини якунлаётган Канада элчиси Элисон Леклер хоним билан учрашдик. Энергетикадан тортиб таълимгача бўлган кўплаб соҳалардаги икки томонлама муносабатларимиз улкан салоҳиятга эга эканини алоҳида таъкидладик. Ўтган йилларда мамлакатларимиз ўртасидаги ҳамкорликни мустаҳкамлашга қўшган ҳиссаси учун элчи хонимга ўз миннатдорлигимизни билдирамиз ва келгуси фаолиятида муваффақиятлар тилаймиз”, — деб ёзади ТИВ раҳбари.
2021 йилнинг 26 июль куни дипломат Элисон Мери Леклерни Ўзбекистондаги элчи лавозимига ишонч ёрлиқларини ТИВга топширган эди. 2004 йилдан 2014 йилгача эса Жон Роналд Кёр Канаданинг Ўзбекистондаги элчиси сифатида фаолият юритган.
Бир неча кун олдин Дилшод Ахатов Ўзбекистоннинг Германиядаги элчиси этиб тайинлангани, Ўзбекистоннинг Исроилдаги элчиси Феруза Маҳмудова ўз миссиясини якунлаётгани тўғрисида хабар берилганди.
Изоҳ (0)