Britaniyaning Oksfordshir grafligida chiqindilarni qayta ishlash zavodiga yashin tushdi, shundan so‘ng kuchli portlash sodir bo‘ldi, deb yozmoqda BBC Severn Trent Green Power kompaniyasiga tayanib.
Kompaniya maʼlumotlariga ko‘ra, mahalliy vaqt bilan 19:20 (Toshkent vaqti bilan 23:20) atrofida biogaz baklaridan biriga chaqmoq urilgan va gaz yonib ketgan.
“Yaxshiyamki, hech kim jabrlanmadi, biz favqulodda xizmatlar bilan hudud xavfsizligini taʼminlash va yetkazilgan zararni imkon qadar tezroq baholash uchun ishlayapmiz”, — deyiladi kompaniya bayonotida.
Eslatib o‘tamiz, 28-sentyabr kuni tunda Toshkent shahri Sergeli tumanidagi “Quruvchilar” dahasida Inter Logistics MCHJga qarashli omborxonada kuchli portlash va yong‘in sodir bo‘lgandi. Hodisa oqibatida jabrlanganlarning umumiy soni 163 kishini tashkil etdi, bir nafar o‘smir hodisa oqibatida vafot etdi.
Ayrim xorijiy nashrlar, portlashga chaqmoq urishi sabab bo‘lgani haqida yozdi, ammo keyinchalik ular “chaqnash” so‘zini noto‘g‘ri tarjima qilgani ma’lum bo‘ldi.
“Bugun.uz” yozishicha, portlash sodir bo‘lgan omborda kimyoviy vositalar saqlangan.
Izoh (0)