Қорабоғдаги Степанакерт-Аскеран автомобиль йўли яқинидаги ёнилғи омборида кучли портлаш содир бўлди. Бу ҳақда Meduza хабар берди.
Арман оммавий ахборот воситалари тан олинмаган республика Ички ишлар вазирлигига таяниб ёзишича, портлаш оқибатида ҳалок бўлганлар ва яраланганлар бор. Кўплаб жабрланганлар куйиш жароҳатлари билан шифохоналарга етказилган. Тан олинмаган Тоғли Қорабоғ республикаси (Артсах) парламенти депутати Метахе Акопян портлаш содир бўлган станцияда Арманистонга кетаётган одамларга бензин тарқатилганини айтган.
Қурбонларнинг аниқ сони маълум эмас. Баъзи оммавий ахборот воситалари ҳалок бўлган ва яраланганлар сони 200 кишидан ошишини хабар қилмоқда. Бу маълумот расман тасдиқланмаган.
.jpg)
Изоҳ (0)