Украина президенти Владимир Зеленский қиш олди мамлакат армиясига қандай қуроллар керак бўлишин айтди.
Зеленскийнинг таъкидлашича, Украина артиллерия снарядларини етказиб бериш бўйича Европа стратегиясини амалга оширишни тезлаштириши керак, мамлакат ҳаво ҳужумидан мудофаа тизимларига муҳтож. Сиёсатчи Украина фронтда ҳужум амалиётларини давом эттираётгани ва ўз ҳудудини босқичма-босқич озод қилаётганини айтди.
Шунингдек, у Европа Иттифоқининг ҳарбий ёрдам миссияси доирасида ҳарбийларни тайёрлашни кенгайтириш зарурлигини билдирди.
“Украинадаги учувчиларимиз ва инфратузилмамиз ҳозирда F-16 дан фойдаланишга ўргатилмоқда. Бу, албатта, рус терроридан ҳимоя қилишга ёрдам беради. EUМАМ миссияси учун украиналик F-16 учувчилари ва муҳандислик ходимларини тайёрлаш модулларининг бирлаштиришни интиқлик билан кутамиз”, — деди Зеленский.
Сиёсатчи қиш олдидан Украинанинг ҳаво қалқонини мустаҳкамлашда имкон қадар фаол бўлиш кераклигини таъкидлади.
У Украина томонидан қабул қилинган Patriot, Iris-T, Nasams ва бошқа ҳаво ҳужумидан мудофаа тизимлари ҳозирданоқ ижобий рол ўйнаб, инсонлар ҳаётини сақлаб қолаётганини таъкидлади.
Бизга бундай тизимлар кўпроқ керак. Хусусан, жанубий ҳудудларимизни ҳимоя қилиш учун бир нечта Patriotлар вазиятни тубдан ўзгартириши мумкин.
Зеленский Украина учун 2024-2027 йилларга мўлжалланган умумий молиялаштириш ҳажми 50 миллиард евро бўлган Ukraine Facility молиявий воситасининг ишга туширилиши жуда муҳим қадам эканини айтди.
“Умид қиламизки, яқин келажакда ушбу ҳужжат Европа Иттифоқи институтлари томонидан тасдиқланади”, — деди у.
Изоҳ (0)