Республика тез тиббий ёрдам марказининг Қорақалпоғистон Республикаси, Тошкент, Сурхондарё ва Сирдарё вилоят филиалларига 20 сентябрь куни 100 та Volkswagen Caddy топширилди. Бу ҳақда Соғлиқни сақлаш вазирлиги матбуот хизмати хабар берди.
2023 йилнинг январида Республика тез тиббий ёрдам маркази автопарки 110 та Volkswagen Caddy тез тиббий ёрдам машиналари билан таъминланганди. Февраль ойида бу турдаги автомобилларнинг яна 117 донадан иборат навбатдаги партияси ҳудудларга тақдим этилди.
30 август куни Республика тез тиббий ёрдам марказига 50 дона А тоифали Volkswagen Caddy тез тиббий ёрдам автомашиналари топширилган, улар Қашқадарё ва Хоразм вилоятларидаги 103 хизматларига тақсимлаб берилганди.
Вазирликнинг билдиришича, йил якунигача яна 500 дан ортиқ шундай транспорт воситалари ҳудудларга етказиб берилиши режалаштирилган.
Президентнинг 2021 йил 27 майдаги ва 2022 йил 16 июндаги қарорларига мувофиқ, тизимдаги мавжуд Damas ва хизмат муддатини ўтаган бошқа турдаги транспорт воситаларини 2022—2024 йилларда янгилаш белгиланган.
Изоҳ (0)