Respublika tez tibbiy yordam markazi avtobazasi 110 ta Volkswagen Caddy rusumli soʻnggi avlod tez tibbiy yordam mashinalari bilan boyidi, deb xabar bermoqda Sogʻliqni saqlash vazirligi.
Ma’lum qilinishicha, vazirlik tizimida eskirgan avtotransport vositalarini bosqichma-bosqich zamonaviylariga almashtirish ishlari olib borilmoqda. Xususan, 103 xizmatida 2938 dona tez yordam mashinasi boʻlib, shundan 648 tasi yoki 22 foizi normativ hujjatlarga asosan yangilanishga muhtoj.
Hozirgi kunda 103 tasarrufida:
- 244 ta Hunday,
- 145 ta Volkswagen Caddy,
- 90 ta Nissan,
- 46 ta Toyota,
- 228 ta Ford,
- 13 ta Foton,
- 37 ta UAZ,
- 5 ta Isuzu NLR,
- 29 ta Isuzu D-MAX,
- 19 ta “Gazel”,
- 2082 ta Damas mashinalari xizmat koʻrsatmoqda.
Xabarda aytilishicha, yangi tez yordam mashinalari hududlardagi mavjud ehtiyojga koʻra quyidagicha taqsimlandi:
- Qoraqalpogʻiston Respublikasi — 10 ta,
- Andijon viloyati — 10 ta,
- Buxoro viloyati — 10 ta,
- Jizzax viloyati — 9 ta,
- Qashqadaryo viloyati — 10 ta,
- Navoiy viloyati — 8 ta,
- Namangan viloyati — 10 ta,
- Surxondaryo viloyati — 9 ta,
- Sirdaryo viloyati — 8 ta,
- Toshkent viloyati — 8 ta,
- Fargʻona viloyati — 10 ta,
- Xorazm viloyati — 8 ta.
Prezidentning 2021-yil 27-maydagi va 2022-yil 16-iyundagi qarorlariga muvofiq, tizimdagi mavjud Damas va xizmat muddatini oʻtagan boshqa turdagi transport vositalarini 2022—2024-yillarda yangilash belgilangan.