Қозоғистонда бир неча вилоят аҳолиси ёнилғи қуйиш шохобчаларида газ тақчиллигидан шикоят қилмоқда. Бу ҳақда Sputnik Қозоғистон хабар берди. Энергетика вазирлигининг маълум қилишича, ёнилғи танқислиги нефть ишлаб чиқариш корхоналарида таъмирлаш ишлари олиб борилаётгани фонида юзага келган.
Ёнилғи қуйиш шохобчаларида бензин йўқ шаҳарлардан бири Атирау. Маҳаллий фуқаро Сергей Усмоновнинг сўзларига кўра, одамлар учинчи кундирки, машиналарига ёнилғи қуя олмаяпти.
“Маҳаллий ОАВ автогазни купонсиз сотувчи ягона АЁҚШ Олмагул микрорайонида жойлашгани, бироқ у ерда ҳам уч соатлик навбатлар мавжудлигини ёзган.
Ёнилғи қуйиш фақат купонлар асосида амалга оширилади, хусусий мулкдорлар ёнилғи қуя олмайди ва ҳозир шартнома ҳам туза олмайди. Кеча бир дўстимнинг машинаси даштда тўхтаб қолди ва уни буксирда шаҳарга олиб кетишга тўғри келди”, - дейди Сергей Усмонов.
Ақтўбедаги ёқилғи қуйиш шохобчаларида ҳам худди шундай ҳолат. Юк машинаси ҳайдовчиси Бауиржан Кабдолланинг фикрича, автогаз оила бюджетини тежаш имкониятидир.
“Ўзим ишлайман, юк машинасини бошқараман. Менга автогазни ёнилғи билан тўлдириш фойдалироқ. Айни кунларда ёнилғи қуйиш шохобчаларида газ йўқлигидан оила бюджети қийналмоқда”, – дейди Бауиржон Кабдолла.
Шу билан бирга, тегишли идора ҳудудлардаги газ тақчиллиги нефть ишлаб чиқарувчи корхоналарда олиб борилаётган таъмирлаш ишлари туфайли юзага келганини тушунтирди.
“Ушбу пасайиш Kazaxoyl Aktobe, CNPS-Aktobemunaygaz, Gas Processing Company МЧЖда режалаштирилган профилактик таъмирлаш ишлари билан боғлиқ”, — дея хабар берди Қозоғистон Энергетика вазирлиги матбуот хизмати.
Вазирлик олтита ҳудудда: Атирау, Ақтўбе, Ғарбий Қозоғистон, Қўстанай, Қарағанда ва Оқмўлада сентябрь учун қўшимча газ ҳажми ажратилишини қўшимча қилди.
Изоҳ (0)